跳至主要內容

胡椒亂炒小說──守護者【序章一:神秘小店】

坦白講,雖然身為網站編輯,但並唔係擅長講故事嘅人,守護者嘅故事,係從一間小店嘅老闆口中得知,我只係擔任一個文字記錄員嘅角色。


既然由小店而起,就喺度介紹下。


小店門面非常低調,外觀全黑,係黑到就算行過都唔會留意,就好似有種保護色咁。


話說有一晚同朋友飲完酒,醉醉地,因為怕暈車浪所以冇直接Call車,想搵下有冇地方可以食少少嘢暖下肚,但一下唔醒起惡菌肆虐,同埋惡菌夜晚至出嚟,要搵嘢食真係唔容易。


而且,呢區面臨重建,基本上幾條街都係嘅舊樓,睇怕好難搵到食嘢嘅地方,正感到氣餒嘅時候,眼尾被旁邊嘅紫色光吸引,原來牆上竟然亮起紫色嘅書法字:「雪蘆──營業中」,細心睇清楚,哦,原來係個黑色板,只不過因為牆身都係黑色,所以令人錯覺以為喺牆上面出現文字。


字漸漸散去,換成了新的字句:「不設餐牌,隨心發辦。」


心諗:「廚師發辦好貴喎!糧尾邊有咁多錢。」


就喺呢個時候,黑板上嘅字又轉變:「有緣人優惠:飲飽食醉只需一百元。無額外收費。」


一百蚊仲要冇額外收費?覺得有趣之時,再看看板上,又轉咗一個手掌圖案,手掌圖下面亦慢慢浮出字句:「將手掌放在圖案上,大門將會為您而開。」


成件事其實都幾唔合邏輯,正常嚟講,清醒狀態嘅我,一定以為係黑店之類,但可能飲得太多,再加上好肚餓,當然更大嘅原因係……八卦!所以諗都唔諗就將隻手放咗上去……跟住,旁邊嘅牆突然亮起紫色嘅光,光線好似魔法筆咁,畫咗一度門出嚟,門就打開喇!


(待續……)

此網誌的熱門文章

【烹飪研習】卡B私房菜食譜:香草焗羊架(做法簡單方便!)

食譜由CAROLBEE@卡B私房菜提供 撰文攝影:見習校對(部份圖片由CAROLBEE提供) 卡B版的焗羊架(羊鞍)做法十分方便,效果惹味而不羶,連一向抗拒羊羶味的朋友試過也要Encore! 卡B這道羊架做法簡單,怕羊羶味的朋友亦可共享,是不錯的宴客菜色。

【烹飪研習】DIY日式叉燒食譜@Joe Tang

其實開始自製日式叉燒之後,許多朋友看到「朕」在Facebook「放毒」都話要學,不過,請恕「朕」實在太懶,只是在Facebook上以文字分享過,後來才加入照片與說明,現在再由《 搜食狂人 》與大家分享,啪啪啪啪(掌聲)! 撰文攝影: Joe Tang 編  輯:搜食編輯室

【烹飪研習】超邪惡的懶人版「臘鴨髀蒸飯」

雖然十月已經過了三份二,仍然秋意薄弱,不過,臘味已經急不及待現身,而眾多臘味當中,又以臘鴨腿(又可稱為臘鴨髀或油鴨髀)最得小記歡心,看到臘味「出籠」,雖然明知尚未算最當造之時,但仍忍不住買來解饞。 撰文攝影:搜食採訪組