感覺大不如前：潮記秘制牛什@旺角

神秘食客

話說經過旺角登打士街肥姐小食店既時候，見到附近舖頭開左間小食店，而且仲排晒隊咁，八卦去望下，點知見到之前係水渠道既牛雜婆！開心到講唔出野，立即拎個銀包出黎諗住買野食！



點知，見到舖頭旁邊巷仔有人係度立食，哦……原來D人係度食緊生菜魚肉，其實我已經飽到不得了，但都係忍唔住整番碗細既黎試，講真，水準一般，我都係鍾意太子花園街果間真知味。



跟住再整串咖哩魚蛋，都OK啦，唔係好好食但又唔難食。

記得以前係水渠道果時，牛雜婆既炸大腸好正，所以，果時每次去親水渠道，除左去美味食店食臭豆腐之外，點都行埋過隔幾間舖食牛雜婆既炸大腸，難得撞得番，點可以唔整番串炸大彩呢？嘩！十蚊串！但見咁耐冇食過牛雜婆既炸大腸，點都要食架喇！拎上手好似覺得有少少唔對路，賣相冇以前咁正，入口試下，雖然味道同埋口感仍然算OK，但水準唔及係水渠道果陣，話晒由細食到大，難免有少少失望！



由於太飽，已經冇辦法再食埋牛雜同蘿蔔，下次經過會再試下！

潮記秘制牛什
地址：旺角登打士街55號地下6號舖

christina

生菜魚肉鍾意呀，有機會要試下太子花園街果間真知味，多謝推介！

嬴雪

看圖片，好像美味食店的炸大腸賣相更勝一籌啊！而且，現在要賣十塊錢一串，也真是太貴了！

CocaCola

格離肥姐食得多,呢間未幫襯過......

嬴雪

肥姐我也有試過，但是可能個人口味問題，只覺是一般而已，而且，價錢也貴。

另外，我看到樓主和christina的話，想起我好像有真知味的圖片，不過……食記還未撰寫……

P. S. 樓主簽名檔的加菲吃薯片好得意……讚！

christina

等你撰文呀!

嬴雪

我真是稿債纍纍啊！

christina

你的稿太受歡迎！

嬴雪

大過獎喇！其實要多謝大家支持呢！而我也應該要更加努力了！

神秘食客

唔好意思,呢幾日好忙,又去左澳門兩日依家先覆!

多謝大家回應!

christina: 真知味既生菜魚肉係我我由細食到大,所以,感情分一定有,岩唔岩口味要係試過先知,唔好食唔好打我!

嬴雪: 係呀,我都有同樣感覺,美味食店既大腸依家仲好食過潮記,唔怪之得果時美味既老闆同我講,本來以前有賣,但後尾唔整,直至有客仔叫佢賣番先整,果然唔錯!

可樂: 肥姐我都有幫襯過,不過,可能我食過佢擺街時既水準,真係差得太遠!依家又貴,我覺得唔值排隊去食囉!