餓底報料：小S（sinanju）（圖文由小S提供）
聽聞係全東南亞最大嘅日式餐廳，想試好耐……近日終於就到時間去試，踏入餐廳已經感到非同小可，真係大得誇張……係4層！無論你食壽司刺身、鐵板燒、日式火鍋，只要你想有自己私人空間，店內有大量獨立房間供選擇，隨自已喜好，向服務員示意就已經OK，絕不詐型。
因為想睇睇日本菜在中國的接受程度，所以選擇坐大廳，見到魚缸內有龍蝦、象拔蚌、大花竹蝦、鯛魚、三刀、毛蟹、海膽，可惜冇皇帝蟹，問服務員先知如果想食皇帝蟹的話，最好就早一日預訂，因為入貨唔多，好多時有客人見到就即刻點選，非常搶手........至於價錢方面，人民幣750元（本文所指價錢皆為人民幣價，不保證食店就價錢有所變動。）一公斤，就算食唔晒全隻，可以想食幾多就秤幾多，通常都係問你要幾多隻腳，下次有時間一定要食佢一次。
講返堔圳人接受日菜嘅程度，我眼見嘅就大多數枱面會有三文魚刺身，一客58元，同香港價錢差不多，其次最多人叫嘅係炸蝦天婦羅，可能國內人唔太敢食生魚刺身，菜譜上見到好多迎合佢地口味嘅熱食，有部份連我喺香港都未見過，當日在店內真的目不暇給。
食物質素方面，比起香港黎講，這店都算得上在中上級數，不過壽司飯真係好足料（可能國內人比較實際，甚麼都要飽肚），刺身都夠哂新鮮，但可能用水解凍唔似香港和日式室溫自然解凍嘅關係，三文魚表面就變得冇哂應有嘅油份，食落有小小分別。
至於我最讚嘅係海膽，價錢分大（188元）、中（138元）、細（98元），有馬糞、紫膽供選擇，紫膽貴（10元），原隻上菜……好正！不過香港飯店通常都會隨著海膽刺身跟青瓜、紫菜，甚至新鮮嘅紫蘇葉，中森名菜就冇，如果要跟就要俾錢，呢樣有D無奈，不過今次呢隻海膽真係回味無窮。可算係唔錯嘅一餐，價錢方面熱食同香港差唔多，刺身計返人民幣就比香港貴，海膽就例外，因為原隻上菜，香港亦唔多見。
服務就一般啦，唔……我應該最小都會去多2次，因為知道有部份連香港唔覺有嘅食材，所以4月（我生日）會再去一次，有機會再補相分享。
中森名菜
地 址：深圳羅湖東門深南東路4003號世界金融中心2-3樓（和平路口）
電 話：（0755）8266 6688
營業時間：1100至1445及1700至2135
備 註：加一服務
搜食狂人呼籲：本報告出自「餓底兵團@搜食狂人」成員的親身飲食經歷，並且由餓底自費 品嚐，旨在為各位搜食之友提供參考，本站無法保證相關食肆的食物水準、環境、服務質素、優惠及價錢不變，敬請留意。如對本文內容有任何疑問或意見，歡迎到 《搜食狂人》的Facebook粉絲專頁（網址：http://www.facebook.com/fooddiscuss.fans）留言。
聽聞係全東南亞最大嘅日式餐廳，想試好耐……近日終於就到時間去試，踏入餐廳已經感到非同小可，真係大得誇張……係4層！無論你食壽司刺身、鐵板燒、日式火鍋，只要你想有自己私人空間，店內有大量獨立房間供選擇，隨自已喜好，向服務員示意就已經OK，絕不詐型。
至於我最讚嘅係海膽，價錢分大（188元）、中（138元）、細（98元），有馬糞、紫膽供選擇，紫膽貴（10元），原隻上菜……好正！不過香港飯店通常都會隨著海膽刺身跟青瓜、紫菜，甚至新鮮嘅紫蘇葉，中森名菜就冇，如果要跟就要俾錢，呢樣有D無奈，不過今次呢隻海膽真係回味無窮。可算係唔錯嘅一餐，價錢方面熱食同香港差唔多，刺身計返人民幣就比香港貴，海膽就例外，因為原隻上菜，香港亦唔多見。
中森名菜
地 址：深圳羅湖東門深南東路4003號世界金融中心2-3樓（和平路口）
電 話：（0755）8266 6688
營業時間：1100至1445及1700至2135
備 註：加一服務
搜食狂人呼籲：本報告出自「餓底兵團@搜食狂人」成員的親身飲食經歷，並且由餓底自費 品嚐，旨在為各位搜食之友提供參考，本站無法保證相關食肆的食物水準、環境、服務質素、優惠及價錢不變，敬請留意。如對本文內容有任何疑問或意見，歡迎到 《搜食狂人》的Facebook粉絲專頁（網址：http://www.facebook.com/fooddiscuss.fans）留言。