跳至主要內容

【餓底報告】領鮮環球自助餐──深圳經濟穩陣Buffet之選

餓底報料:小S(sinanju)(圖文由小S提供)

相隔半年冇去「國貿」區搵嘢食,繼「中森名菜」後,今次係去「領鮮環球」食Buffet。
去到門口登記先至知,原來領先係稻香集團旗下嘅食店,知道係香港人營運,嘿嘿……就意味著對衛生方面有信心,可以放開懷抱盡情咁食……
預付卡付款有優惠,每次增值最少一百人民幣。
國內食呢類自助餐要先購票登記入座,呢度都唔例外,但估唔到今餐Buffet個價錢咁經濟!問服務員先知,原來俾Cash就收$168(本文提及價錢全以人民幣計)一位,但如果以增值卡付款就只係$128一位(當日我晚上8時才到,係第二時段),此增值卡可以在國內同集團設有預付卡配套之食店使用(如:迎囍皇宮、HITEA巧味、領鮮),用預值卡付費會得到一定優惠。此卡由稻香集團發出的,每次增值最細基數為$100人民幣,餘額儲存在預付卡內。
環境不錯,座位舒適。
裝修雖然唔係好金碧輝煌,但燈火通明,非常舒服。

至於食物質素方面,每人送大蝦一隻(即金幣菜色,憑金幣換領),有4款唔同烹調口味供選擇,我選的是黃金醬焗大蝦,真係到依家都仲回味緊……

講返仲有咩食先!





冷盤及各式沙律。
頭盤類:

凍蝦、瀨尿蝦、爽脆生魚皮、各款刺身(三文魚、鮪魚、鯖魚、鱆紅魚)、沙律吧、一系列火腿……
其中幾款熱食,包括燒蠔、點心、燒味、湯及燒牛肉。
另外幾款熱食,包括燒茄子、串燒……
主菜熱食:

燒牛肉(全場我最Like呢樣)、蒜蓉燒蠔、鐵板羊串、炒蜆、豉汁炒田螺、廣東燒味、老火湯、碗仔翅、點心……
炒田螺與蝦。
甜品:

雪糕(有雪糕球和軟雪糕)、香蕉Pancake、朱古力噴泉、多款式嘅蛋糕、布甸、時令生果……
各式甜品。
飲品:

紅酒、啤酒、無糖鮮果汁、一般汽水。
香蕉煎餅(Pancake)賣相同味道都唔錯。
估唔到價錢唔貴、食物唔差,真係認真超值!仲有所有客人在出生月份到食店進餐(必須提前預訂),可獲贈生日蛋糕。
金幣菜色及生日優惠。
若好味指數以10為滿分的話,以今餐食物質素和價錢,我俾8分。去開深圳有興趣嘅朋友,一定要去試試啊!

自助餐供應時段及價目(純粹參考用,實際價錢以食店最新公布為準):

午餐

供應時段:星期一至日1130至1400

星期一至五收費:成人RMB¥ 128;兒童RMB¥ 88

星期六、日收費:成人RMB¥ 148;兒童RMB¥ 88

下午茶

供應時段星期六、日1400至1600

收費:成人RMB¥ 108;兒童RMB¥ 88

晚餐

供應時段:星期一至日1730至2015

星期一至四收費:成人RMB¥ 168;兒童RMB¥ 108

星期五至日收費:成人RMB¥ 198;兒童RMB¥ 108

宵夜

供應時段:星期一至日2030至2230

星期一至四收費:成人RMB¥ 108;兒童RMB¥ 88

星期五至日收費:成人RMB¥ 128;兒童RMB¥ 88

(兒童收費定義:90厘米至1.2米小童為兒童價;90厘米以下小童免費)

領鮮環球自助餐
地  址:深圳羅湖國貿友誼路57號友誼城B座6樓
電  話:(0755) 8220 2822 / 8222 3458
營業時間:1130至2230
交  通:深圳地鐵國貿站A出口(大約下面附圖中藍色箭咀所指之處);或於羅湖站乘的士前往。
位置大約是圖中國貿站A出口藍色箭咀所指之處。(圖片來源:深圳地鐵)
搜食狂人呼籲:本報告出自「餓底兵團@搜食狂人」成員的親身飲食經歷,並且由餓底自費 品嚐,旨在為各位搜食之友提供參考,本站無法保證相關食肆的食物水準、環境、服務質素、優惠及價錢不變,敬請留意。如對本文內容有任何疑問或意見,歡迎到 《搜食狂人》的Facebook粉絲專頁(網址:http://www.facebook.com/fooddiscuss.fans)留言。

此網誌的熱門文章

【烹飪研習】卡B私房菜食譜:香草焗羊架(做法簡單方便!)

食譜由CAROLBEE@卡B私房菜提供 撰文攝影:見習校對(部份圖片由CAROLBEE提供) 卡B版的焗羊架(羊鞍)做法十分方便,效果惹味而不羶,連一向抗拒羊羶味的朋友試過也要Encore! 卡B這道羊架做法簡單,怕羊羶味的朋友亦可共享,是不錯的宴客菜色。

【烹飪研習】DIY日式叉燒食譜@Joe Tang

其實開始自製日式叉燒之後,許多朋友看到「朕」在Facebook「放毒」都話要學,不過,請恕「朕」實在太懶,只是在Facebook上以文字分享過,後來才加入照片與說明,現在再由《 搜食狂人 》與大家分享,啪啪啪啪(掌聲)! 撰文攝影: Joe Tang 編  輯:搜食編輯室

【烹飪研習】搜食狂人家常食譜:香煎椒鹽丹麥無骨豬梅頭扒

通常在超市遇上試食試飲的產品推廣,會先了解有關資料,特別留意產地與成份,才決定試食(或飲)與否。 早前,於超市遇上一款來自丹麥的無骨豬梅頭扒(Danish Pork Boneless Collar Chop)進行試食推廣,只是簡單煎煮,香味已甚吸引,推廣員姐姐說是百份百於丹麥飼養、屠宰及包裝,無添加荷爾蒙或瘦肉精,看看價錢,四塊一包不用四十元,也不算貴,於是買來一試。 撰文攝影:見習校對