最美麗的浪漫故事，令人羨慕、妒忌之餘，亦恨不得化身成當中主角，永遠被幸福快樂所包圍。
以為上述只是童話或夢幻愛情小說？非也！今次【人情味專訪】的主人翁──Anthony與Belle，便是活生生的例子，而且，更將他們的甜蜜溫馨，注入自資的甜品店，與有緣到此的客人分享甜美一刻……
採訪：May May、Mango、小朋
撰文：May May
攝影：May May、V仔
鳴謝：甜一刻老闆──Anthony與Belle接受訪問
Anthony與Belle是一對夫婦，亦是一位七歲小女孩的父母，更是位於深水埗福榮街的「甜一刻（Sweet Moment）」甜品店老闆。
本身任職平面設計師的Anthony，婚後與太太Belle各施其職，他努力工作賺錢養家，而她亦專心做好妻子的本份，誕下女兒之後，更盡心當一個稱職的家庭主婦。
一家三口本可繼續過著安穩的生活，直到2013年，Anthony毅然辭去設計師之職，與太太手挽手走進甜品界，選址於不算繁華大街的小舖創辦「甜一刻」，二人心口上掛著的，除了「勇」，還有「愛」……
「開甜品店是因為老婆鍾意食……」這一句衝口而出，令Anthony不禁略帶靦腆笑了，但他很快便重整思緒，續道：「首先係因為老婆好鍾意食甜品，所以每個周末都會同佢一齊出去四圍食，慢慢留意到原來都好多人都鍾意食甜品，間間甜品舖都好旺場，於是產生興趣去觀察每間甜品舖嘅經營方式、人流方面嘅嘢，但係，果時都仲未有打算自己開舖。直至後來有一日，突然間諗到：『我都四十歲人喇喎！係咪呢一生都要平平淡淡咁過呢？』於是想試下做老闆，但做咩好呢？當時即刻就想到老婆鍾意食甜品，就同佢講我有咁嘅諗法，佢好支持我！」
Belle聽罷露出會心微笑，接著說：「當然好支持佢嘅決定啦！我自己本身好鍾意食甜品，簡直可以用瘋狂嚟形容！自己亦會經常喺屋企整嚟食，但講到真係要開甜品舖，就唔係咁簡單。」
夫 妻 分 工 共 闖 難 關
由業餘進化成專業，說易行難，並非花錢花時間便成，就算天份幾高，缺乏毅力的話，都只是紙上談兵而已。幸而二人性格一文一武──他，是冷靜型軍師；而她，則是急先峰猛將。
Anthony先四出打探有關經營甜品店的資料，例如聽取朋友意見，以及上網搜尋資料……等等，他坦言，準備開業的時候遇上不少難題，其中令他最為「頭痛」的，是尋找合適舖位。
「搵舖係開業前最花時間心機嘅事！老實講，我哋又未做過飲食業，又聽人講開舖之後要守一段時間，所以成本一定要控制得好，而且，我希望可以儘量降低租金方面嘅成本，投放更多資源喺食物方面，因為間舖幾大幾靚都好，但食物水準唔得就冇意思！另一方面，搵個啱心水嘅舖位，唔止睇價錢，仲要觀察好多嘢，例如附近交通、有冇同類店舖、唔同時段嘅人流……等等，尤其我哋兩個都冇經驗，想降低風險就要研究更多數據，但另一方面，我就要好冒險咁辭咗份正職，以便有更多時間去搜集各方面嘅數據，當時我真係好猶豫。」最後，Anthony的勇氣，再加上太太的支持和愛，令他決定辭職並開展人生新的一頁。
至於Belle這位急先峰猛將，則負責深入鑽研各款甜品，以為對於熱愛甜品的她而言，會是一件優差？但事實上，現時小店內所供應的每一道甜品，全都是她以努力和腦力換取的心血結晶。
「可以有藉口更放肆去食甜品當然係好開心，哈哈哈！但係唔止要去食咁簡單，仲要出去甜品店做兼職取經，同埋修讀甜品課程，而每款甜品我都必定要整出嚟試到自己滿意先得，因為自己真係好鍾意食甜品，亦對呢方面好有要求，所以，整出嚟過唔到自己，又點賣俾人客食？」Belle理直氣壯地說。
為了做出令自己滿意的甜品，Belle盡心盡力，每次遇到認為可以加進餐牌的甜品，都會嘗試採用不同食譜烹調，不斷做亦不斷試，為此，她足足長胖了三十多磅。
「好似我果時學整心太軟咁，會四圍試下人哋嘅做成點，自己不停整同試味，因為，我好希望可以將自己嘅甜品做得更好；又例如諗到可以將榴槤雪糕加落餐牌喎，但我想用新鮮榴槤去整，問題就嚟喇，出面搵極都搵唔到榴槤雪糕課程！於是再試下上網搵食譜，終於搵到唔同配方，咪逐個試到啱為止囉！最慘係因為我用泰國金枕頭做，所以就算出嚟效果唔好，我都夾硬食，唔想浪費呀！不過，好彩最後總算試到一個效果唔錯嘅，之後經過好多次改良，就成為咗依家舖頭食到嘅版本。」Belle坦言，就算她對甜品極之狂熱，但開業前也試過因為吃甜品太多而感到「少少驚」。
Anthony聽罷也忍不住搖搖頭補充：「當時真係食一啖叫做試咗個味就算，因為實在食得太多喇！」
用 心 經 營 賺 得 口 碑
經歷過甜中帶苦滋味，然而二人繼續互相扶持，再加上無比毅力，終於，命名為「甜一刻」的小店，於上年（2014年）3月29日正式開業。
為了讓客人可以在店裡享受到真正放鬆而甜美的一刻，店外內設計極富童話色彩，地方雖小但座位舒適，再加上用心研製的巧手美食，逐漸累積了一群熟客支持，亦因口碑而吸引了生客到訪，令二人深深感到一份並非金錢可以代替的滿足感。
「最初租呢度都知道地點比較靜，係有擔心，但冇辦法，唯有喺宣傳上做多尐工夫，例如將甜品嘅相同新優惠上載到Facebook、Instagram，效果都算幾好，但最多謝係客人嘅支持同口碑！雖然舖頭平日唔係好旺，但去到星期五、六晚可以爆晒場，客人唔介意等位，感覺好開心！睇見咁樣，個心已經唔會諗賺唔賺錢！尤其係之前籌備咁多，見到大家鍾意嚟食嘢，真係好滿足！」除此之外，創業的過程令他獲益良多，例如晚市期間遇上大廈污水渠淤塞，導致污水大量滲出；又試過受網上負評打擊、遇人不淑、購入質素欠佳的食材……幾許艱苦辛酸，他與愛妻亦一一攜手跨過，並從中汲取教訓與經驗，成功「升呢」。
說到滿足感，Belle亦別有一番體會：「就算依家現有嘅甜品，只要有時間我就會諗下仲可唔可以改良得更好？又冇新款甜品可以引入？當成功做到自己滿意嘅口味我都好開心！尤其係我好鍾意問客人嘅意見，如果做到令佢哋都欣賞，我會覺得，就算因為整甜品而肥咗咁多都好值得！哈哈哈！」令她感到滿足的又豈此如此？還有與客人建立的友誼。
「有尐客慢慢做咗朋友，感覺好開心！試過比較深刻同感動嘅，係啱啱開張冇幾耐，有對夫婦手抱個BB入嚟食甜品，佢哋試過之後都經常帶埋BB嚟食，而且每次都叫心太軟。後來，有一日佢哋嚟食嘅時候，要求我喺心太軟果隻碟上面寫字慶祝BB半歲大，當時我好開心、好感動！之後BB一歲生日，佢哋又叫我喺隻碟度寫上祝賀BB生日快樂嘅字句。依家佢哋間中都嚟，我哋仲做咗朋友，後來佢哋講番，原來之前帶住BB出去食嘢，BB一定會扭計，搞到佢兩老婆食唔到嘢，但唔知點解嚟到呢度食甜品，BB就會好乖瞓覺，所以佢哋會特別鍾意嚟。」Belle表示，現在每次見到這位小朋友，也總會抽時間由廚房跑到樓面，與這對夫婦打招呼之餘，亦順道抱抱小朋友。
Anthony與Belle因為愛而互相扶持，開展了人生新一章，更將二人的愛與甜蜜，透過小店與更多客人分享。
甜酸苦辣，每個人亦各有所好，唯獨食物當中所包含的人情味，更能感動人心，只在於是否願意用心品味。
甜一刻
地 址：深水埗福榮街218號美居中心地下62號（長沙灣A2出囗）
電 話：3568 6757
營業時間：1530至0200
網上查詢：www.facebook.com/sweetmomentdessert
後記──充滿幸福與溫馨的一對
有些人，窮一生心血尋尋覓覓跟緣份玩捉迷藏；
有些人，卻在錯的時間遇上對的人，無法捉緊緣份；
有些人，盡得天時地利人和，又能及時將良緣捉緊，並用心成就了一個溫馨滿載的美麗故事。
而Anthony和Belle正屬後者，雖然二人給小記的感覺大不同，但每當Anthony回答問題的時候，熱情的Belle總是含情脈脈地看著丈夫，眼神之中充滿著無限的愛和支持；而成熟內斂的Anthony，每當話題拉到太太和女兒身上，自然在臉上流露出甜蜜和愉快的笑容，整個訪問就在充滿幸福與溫馨的感覺下完成。坦白說，確令已婚的小記羨慕又妒忌！但是，品嚐過小店精心製作的甜品之後，美味與充滿溫情的感覺，從舌尖直衝心房，讓小記也被滿滿的幸福感包圍。
註：由於篇幅所限，有關食記將另文刊登，敬請大家留意。
搜食狂人呼籲：本文由人情味角度出發向一些良心食肆致敬，為保育屬於香港的地道人情味飲食出一分力，希望大家多多支持這類良心食店！但本站無法保證相關食肆的食物水準、環境、服務質素、優惠及價錢不變，建議大家抱平常心看待，敬請見諒！如對本文內容有任何疑問或意見，歡迎到《搜食狂人》的Facebook粉絲專頁（網址：www.facebook.com/fooddiscuss.fans）留言。
以為上述只是童話或夢幻愛情小說？非也！今次【人情味專訪】的主人翁──Anthony與Belle，便是活生生的例子，而且，更將他們的甜蜜溫馨，注入自資的甜品店，與有緣到此的客人分享甜美一刻……
採訪：May May、Mango、小朋
撰文：May May
攝影：May May、V仔
鳴謝：甜一刻老闆──Anthony與Belle接受訪問
Anthony與Belle是一對夫婦，亦是一位七歲小女孩的父母，更是位於深水埗福榮街的「甜一刻（Sweet Moment）」甜品店老闆。
本身任職平面設計師的Anthony，婚後與太太Belle各施其職，他努力工作賺錢養家，而她亦專心做好妻子的本份，誕下女兒之後，更盡心當一個稱職的家庭主婦。
一家三口本可繼續過著安穩的生活，直到2013年，Anthony毅然辭去設計師之職，與太太手挽手走進甜品界，選址於不算繁華大街的小舖創辦「甜一刻」，二人心口上掛著的，除了「勇」，還有「愛」……
「開甜品店是因為老婆鍾意食……」這一句衝口而出，令Anthony不禁略帶靦腆笑了，但他很快便重整思緒，續道：「首先係因為老婆好鍾意食甜品，所以每個周末都會同佢一齊出去四圍食，慢慢留意到原來都好多人都鍾意食甜品，間間甜品舖都好旺場，於是產生興趣去觀察每間甜品舖嘅經營方式、人流方面嘅嘢，但係，果時都仲未有打算自己開舖。直至後來有一日，突然間諗到：『我都四十歲人喇喎！係咪呢一生都要平平淡淡咁過呢？』於是想試下做老闆，但做咩好呢？當時即刻就想到老婆鍾意食甜品，就同佢講我有咁嘅諗法，佢好支持我！」
 |
| 開業初期，Anthony亦不時跑到廚房幫忙，但後來Belle認為此舉會加添員工壓力，自此，人手不足時，Anthony才進廚房幫忙。 |
Belle聽罷露出會心微笑，接著說：「當然好支持佢嘅決定啦！我自己本身好鍾意食甜品，簡直可以用瘋狂嚟形容！自己亦會經常喺屋企整嚟食，但講到真係要開甜品舖，就唔係咁簡單。」
夫 妻 分 工 共 闖 難 關
由業餘進化成專業，說易行難，並非花錢花時間便成，就算天份幾高，缺乏毅力的話，都只是紙上談兵而已。幸而二人性格一文一武──他，是冷靜型軍師；而她，則是急先峰猛將。
Anthony先四出打探有關經營甜品店的資料，例如聽取朋友意見，以及上網搜尋資料……等等，他坦言，準備開業的時候遇上不少難題，其中令他最為「頭痛」的，是尋找合適舖位。
 |
| 地方雖然有限，但為了讓客人可以好好享受品嚐甜品的時光，Anthony花了許多心血。 |
 |
| 「Enjoy Your Sweet Moment」一語道出小店宗旨。 |
「搵舖係開業前最花時間心機嘅事！老實講，我哋又未做過飲食業，又聽人講開舖之後要守一段時間，所以成本一定要控制得好，而且，我希望可以儘量降低租金方面嘅成本，投放更多資源喺食物方面，因為間舖幾大幾靚都好，但食物水準唔得就冇意思！另一方面，搵個啱心水嘅舖位，唔止睇價錢，仲要觀察好多嘢，例如附近交通、有冇同類店舖、唔同時段嘅人流……等等，尤其我哋兩個都冇經驗，想降低風險就要研究更多數據，但另一方面，我就要好冒險咁辭咗份正職，以便有更多時間去搜集各方面嘅數據，當時我真係好猶豫。」最後，Anthony的勇氣，再加上太太的支持和愛，令他決定辭職並開展人生新的一頁。
至於Belle這位急先峰猛將，則負責深入鑽研各款甜品，以為對於熱愛甜品的她而言，會是一件優差？但事實上，現時小店內所供應的每一道甜品，全都是她以努力和腦力換取的心血結晶。
 |
| 無論如何忙碌，Belle總是帶著愉快的笑容去製作每一道甜品。 |
 |
| 台式士多啤梨吐司磚塊（後）與心太軟（前）都是店內受歡迎的美食，台式土司磚塊極具份量，基本上可供二至四人分享，但據知亦有客人可以獨嚐一個。 |
「可以有藉口更放肆去食甜品當然係好開心，哈哈哈！但係唔止要去食咁簡單，仲要出去甜品店做兼職取經，同埋修讀甜品課程，而每款甜品我都必定要整出嚟試到自己滿意先得，因為自己真係好鍾意食甜品，亦對呢方面好有要求，所以，整出嚟過唔到自己，又點賣俾人客食？」Belle理直氣壯地說。
為了做出令自己滿意的甜品，Belle盡心盡力，每次遇到認為可以加進餐牌的甜品，都會嘗試採用不同食譜烹調，不斷做亦不斷試，為此，她足足長胖了三十多磅。
 |
| 榴槤雪糕脆磚杯是Belle的得意之作，由開榴槤、起肉到製成雪糕，至少花上兩小時才做到兩公升左右的份量，再加上Belle堅持購入質素佳的泰國金枕頭，因而並非時有供應。 |
 |
| 這一杯看似簡單的芒果沙冰，實際把不少員工嚇跑！Belle解釋：「因為我哋堅持用新鮮芒果，所以每日都要同芒果玩遊戲，做到個個員工叫救命！」 |
「好似我果時學整心太軟咁，會四圍試下人哋嘅做成點，自己不停整同試味，因為，我好希望可以將自己嘅甜品做得更好；又例如諗到可以將榴槤雪糕加落餐牌喎，但我想用新鮮榴槤去整，問題就嚟喇，出面搵極都搵唔到榴槤雪糕課程！於是再試下上網搵食譜，終於搵到唔同配方，咪逐個試到啱為止囉！最慘係因為我用泰國金枕頭做，所以就算出嚟效果唔好，我都夾硬食，唔想浪費呀！不過，好彩最後總算試到一個效果唔錯嘅，之後經過好多次改良，就成為咗依家舖頭食到嘅版本。」Belle坦言，就算她對甜品極之狂熱，但開業前也試過因為吃甜品太多而感到「少少驚」。
Anthony聽罷也忍不住搖搖頭補充：「當時真係食一啖叫做試咗個味就算，因為實在食得太多喇！」
用 心 經 營 賺 得 口 碑
經歷過甜中帶苦滋味，然而二人繼續互相扶持，再加上無比毅力，終於，命名為「甜一刻」的小店，於上年（2014年）3月29日正式開業。
為了讓客人可以在店裡享受到真正放鬆而甜美的一刻，店外內設計極富童話色彩，地方雖小但座位舒適，再加上用心研製的巧手美食，逐漸累積了一群熟客支持，亦因口碑而吸引了生客到訪，令二人深深感到一份並非金錢可以代替的滿足感。
 |
| 小店名字與Logo同樣是Anthony的構思，然而，說到甜品賣相，話事權則交回太太手上。 |
 |
| 雖然開業只是一年多，但已加添了許多新款式，所以，Belle亦一直催促丈夫更新餐牌。 |
「最初租呢度都知道地點比較靜，係有擔心，但冇辦法，唯有喺宣傳上做多尐工夫，例如將甜品嘅相同新優惠上載到Facebook、Instagram，效果都算幾好，但最多謝係客人嘅支持同口碑！雖然舖頭平日唔係好旺，但去到星期五、六晚可以爆晒場，客人唔介意等位，感覺好開心！睇見咁樣，個心已經唔會諗賺唔賺錢！尤其係之前籌備咁多，見到大家鍾意嚟食嘢，真係好滿足！」除此之外，創業的過程令他獲益良多，例如晚市期間遇上大廈污水渠淤塞，導致污水大量滲出；又試過受網上負評打擊、遇人不淑、購入質素欠佳的食材……幾許艱苦辛酸，他與愛妻亦一一攜手跨過，並從中汲取教訓與經驗，成功「升呢」。
 |
| 充滿童真的插畫背景是店內最受歡迎的「景點」。 |
 |
| 由Anthony手繪的字句，一方面向客人表達謝意，另一方面則順道為小店的Facebook粉絲專頁及Instagram宣傳，一舉兩得。 |
 |
| 貼心的溫馨提示，再加上免費WiFi，只望客人見諒製作需時，請耐心等候。 |
說到滿足感，Belle亦別有一番體會：「就算依家現有嘅甜品，只要有時間我就會諗下仲可唔可以改良得更好？又冇新款甜品可以引入？當成功做到自己滿意嘅口味我都好開心！尤其係我好鍾意問客人嘅意見，如果做到令佢哋都欣賞，我會覺得，就算因為整甜品而肥咗咁多都好值得！哈哈哈！」令她感到滿足的又豈此如此？還有與客人建立的友誼。
 |
| 免費提供小玩具是Anthony最近加入的新構思，只為了小朋友來到也不會覺得悶，而令他想到送吹泡膠的，是七歲的女兒：「因為佢好鍾意玩！可以玩完一枝又一枝都唔厭！」其實別說小朋友，就算大人也應該有興趣呢！ |
「有尐客慢慢做咗朋友，感覺好開心！試過比較深刻同感動嘅，係啱啱開張冇幾耐，有對夫婦手抱個BB入嚟食甜品，佢哋試過之後都經常帶埋BB嚟食，而且每次都叫心太軟。後來，有一日佢哋嚟食嘅時候，要求我喺心太軟果隻碟上面寫字慶祝BB半歲大，當時我好開心、好感動！之後BB一歲生日，佢哋又叫我喺隻碟度寫上祝賀BB生日快樂嘅字句。依家佢哋間中都嚟，我哋仲做咗朋友，後來佢哋講番，原來之前帶住BB出去食嘢，BB一定會扭計，搞到佢兩老婆食唔到嘢，但唔知點解嚟到呢度食甜品，BB就會好乖瞓覺，所以佢哋會特別鍾意嚟。」Belle表示，現在每次見到這位小朋友，也總會抽時間由廚房跑到樓面，與這對夫婦打招呼之餘，亦順道抱抱小朋友。
 |
| 為了照顧不同客人口味，無論中、西式甜品也有供應，而且，全部經由老闆娘Belle研究及改良。 |
Anthony與Belle因為愛而互相扶持，開展了人生新一章，更將二人的愛與甜蜜，透過小店與更多客人分享。
甜酸苦辣，每個人亦各有所好，唯獨食物當中所包含的人情味，更能感動人心，只在於是否願意用心品味。
甜一刻
地 址：深水埗福榮街218號美居中心地下62號（長沙灣A2出囗）
電 話：3568 6757
營業時間：1530至0200
網上查詢：www.facebook.com/sweetmomentdessert
後記──充滿幸福與溫馨的一對
有些人，窮一生心血尋尋覓覓跟緣份玩捉迷藏；
有些人，卻在錯的時間遇上對的人，無法捉緊緣份；
有些人，盡得天時地利人和，又能及時將良緣捉緊，並用心成就了一個溫馨滿載的美麗故事。
 |
| 每當Anthony發言，Belle總是深情地望著丈夫。 |
而Anthony和Belle正屬後者，雖然二人給小記的感覺大不同，但每當Anthony回答問題的時候，熱情的Belle總是含情脈脈地看著丈夫，眼神之中充滿著無限的愛和支持；而成熟內斂的Anthony，每當話題拉到太太和女兒身上，自然在臉上流露出甜蜜和愉快的笑容，整個訪問就在充滿幸福與溫馨的感覺下完成。坦白說，確令已婚的小記羨慕又妒忌！但是，品嚐過小店精心製作的甜品之後，美味與充滿溫情的感覺，從舌尖直衝心房，讓小記也被滿滿的幸福感包圍。
 |
| 提起太太和女兒的時候，Anthony亦總會露出歡顏。 |
註：由於篇幅所限，有關食記將另文刊登，敬請大家留意。
搜食狂人呼籲：本文由人情味角度出發向一些良心食肆致敬，為保育屬於香港的地道人情味飲食出一分力，希望大家多多支持這類良心食店！但本站無法保證相關食肆的食物水準、環境、服務質素、優惠及價錢不變，建議大家抱平常心看待，敬請見諒！如對本文內容有任何疑問或意見，歡迎到《搜食狂人》的Facebook粉絲專頁（網址：www.facebook.com/fooddiscuss.fans）留言。