跳至主要內容

【滋訊專遞】「食」糊?Boomf母親節麻雀棉花糖「冧爆」媽咪!

想媽咪今個母親節笑到「四萬咁口」?梗係要鬆章俾佢「食」糊喇!今個母親節英國相片訂製棉花糖Boomf將中華國粹發揚光大,推出一系列搞笑又得意的麻雀棉花糖,等你喺六嬸三太公面前威到盡,媽咪仲唔笑晒咩?

編輯:搜食編輯室


Boomf麻雀棉花糖系列以傳統的麻雀造型添上玩味設計,有齊萬子、索子、筒子同番子任你自由組合,加上棉花糖軟綿綿脹卜卜的質感,相信一眾媽咪伯母奶奶都會為之瘋狂,真係打打下忍唔住「小相公」!


考你章法 湊出千變萬化麻雀棉花糖

麻雀系列只要到Boomf首頁「開始吧!」然後按「設計」,到了我們的圖庫選擇「Mahjong」就可以慢慢配搭出你心水的麻雀設計,如果怕九粒裝唔夠「食」,Boomf還提供其他包裝組合,總之你副牌可以有幾大做幾大喇!


Boomf母親節期間限定甜心話語

英國棉花糖Boomf給予顧客設計個人化禮物的超能力,以棉花糖訴心聲,今次除了富有香港民間風味的麻雀系列,當然少不了Boomf最拿手的英式幽默,睇穿你會嫌老土肉麻唔敢同媽咪講聲「我愛你」,所以今個母親節Boomf推出大量綿綿情話圖案,等你唔洗怕醜,鬼鬼地同佢講聲I LOVE YOU!(母親節甜心話語供應日期:由即日起至5月9日)




Boomf訂講詳情

Boomf綿花糖二十五美元一盒,每盒有九粒,寄往全球任何地方均免運費。只要到boomf.com訂購,並在boomf.com/shipping查看預計到達時間。綿花糖開封前保鮮期為兩個月,開封後則為三至五日。



關於Boomf

「Boomf」由James Middleton與Andy Bell創立。James家族早於英國經營派對用品生意。兩年前,James決定與擁有多年網絡生意經驗的Andy聯手創立「Boomf」,賦予每位顧客擁有創造個人化禮物的Gifting Superpowers。棉花糖於英國大賣後,「Boomf」亦決定進軍亞洲市場,希望透過不斷改良產品,迎合更多本地消費者口味。

更多關於「Boomf」的最新消息與資訊,請瀏覽以下網址:

https://boomf.com/
https://www.instagram.com/boomf/
https://www.facebook.com/Boomfmallows/


搜食狂人呼籲:上述資訊由有關機構提供,本站無法就相關之食物水準、環境、服務質素、優惠及價錢作出任何保證,敬請留意。如對上述內容有任何疑問或意見,歡迎向有關機構查詢,或到《搜食狂人》的 Facebook粉絲專頁(網址:www.facebook.com/fooddiscuss.fans)留言。

此網誌的熱門文章

【烹飪研習】卡B私房菜食譜:香草焗羊架(做法簡單方便!)

食譜由CAROLBEE@卡B私房菜提供 撰文攝影:見習校對(部份圖片由CAROLBEE提供) 卡B版的焗羊架(羊鞍)做法十分方便,效果惹味而不羶,連一向抗拒羊羶味的朋友試過也要Encore! 卡B這道羊架做法簡單,怕羊羶味的朋友亦可共享,是不錯的宴客菜色。

【烹飪研習】DIY日式叉燒食譜@Joe Tang

其實開始自製日式叉燒之後,許多朋友看到「朕」在Facebook「放毒」都話要學,不過,請恕「朕」實在太懶,只是在Facebook上以文字分享過,後來才加入照片與說明,現在再由《 搜食狂人 》與大家分享,啪啪啪啪(掌聲)! 撰文攝影: Joe Tang 編  輯:搜食編輯室

【烹飪研習】超邪惡的懶人版「臘鴨髀蒸飯」

雖然十月已經過了三份二,仍然秋意薄弱,不過,臘味已經急不及待現身,而眾多臘味當中,又以臘鴨腿(又可稱為臘鴨髀或油鴨髀)最得小記歡心,看到臘味「出籠」,雖然明知尚未算最當造之時,但仍忍不住買來解饞。 撰文攝影:搜食採訪組