搜尋文章

10.8.16

【滋訊專遞】莊思敏與鄭融試食hmv激抵一蚊漢堡

莊思敏(Jacquelin)和鄭融(Stephanie)早前現身銅鑼灣hmv Bar & Restaurant,試食限定推廣的超值澳洲和牛漢堡餐配薯條,二人品嚐滋味過後更讚不絕口。

編輯:搜食編輯室




銅鑼灣hmv Bar & Restaurant推出超級無敵大優惠,花費港幣$1就可以品嚐到原價$158的澳洲和牛漢堡餐配薯條,所以現場大排長龍,吸引數百食客排長龍爭相幫襯。




莊思敏(Jacquelin)和鄭融(Stephanie)亦應邀到餐廳試食,Jacquelin更大讚:「簡直抵到喊,一蚊食得飽,而且好食,和牛漢堡冇因為平偷工減料,依然好大份,個薯條又好食,最鍾意係個沙律醬,大家食得好開心,覺得個餐做得好好,同埋價錢係非常之抵。」





Stephanie近期回歸Starz People娘家,感覺有如返屋企一樣:「我相信緣份,覺得同Starz People嘅同事合作係最自然、最有默契,咁啱自己要揀新公司嘅時候,就揀番屋企,因為咁多年同老闆(鄒世龍)繼續keep住分享,好同困難時都會話俾佢知,就算唔同一間公司都係屋企人,我兜咗一個圈再返去,都好期待大家合作嘅火花同動力。」








Stephanie更帶同媽媽一齊試食,她大讚和牛漢堡好味又夠Juicy,而且因為食肆每日有時段及50個名額限制,笑言爭到食和牛漢堡都幾有成功感:「因為名額有限,邊個爭到有成功感,食到一蚊burger都幾好玩、幾刺激。」

$1和牛漢堡資料:

hmv Bar & Restaurant推出限定$1和牛漢堡配黑松露薯條餐,和牛漢堡以牛頸肉、牛腩、牛冧肉等五個不同部位製成漢堡扒,伴菜的粗薯條則加入有黑松露蓉的自家製蛋黃醬,相當惹味;和牛漢堡優惠期由即日起至本月30日,逢周一及周二之下午三時至四時及五時至六時,每個時段限量發售五十個一蚊和牛漢堡,每人限點一份,不設加一及最低消費。




hmv Bar & Restaurant
地  址:銅鑼灣百德新街24-32號名珠城hmv旗艦店4樓
查詢電話:(852)2504-1538


搜食狂人呼籲:上述資訊由有關機構提供,本站無法就相關之食物水準、質素、優惠及價錢作出任何保證,敬請留意。如對上述內容有任何疑問或意見,歡迎向有關機構查詢,或到《搜食狂人》的 Facebook粉絲專頁(網址:www.facebook.com/fooddiscuss.fans)留言。


Related Posts Plugin for WordPress, Blogger...