本站曾撰文介紹位於筲箕灣的「Schnee German Restaurant」（有關介紹請瀏覽《【搜食直擊】情如白雪的德國菜小館：Schnee German Restaurant（筲箕灣）》一文），小店堅持用心炮製美食去打動人心，早前更於銅鑼灣開設分店，而為了將手工美食進一步向大眾推廣，更參加了今屆美食博覽，於尊貴美食區設立攤位，小記看到其中一位負責人兼總廚劉先生，立即邀請他推介美食，並順道分享關於德國菜的知識。
撰文攝影：V仔@搜食採訪組
「Schnee German Restaurant」的掌廚人劉先生對德國菜、歐洲菜有極深厚研究與根底，堅持為饕客送上用心烹調的手工美饌。首次參與美食博覽，劉先生坦言為了籌備今次活動而「捱通頂」：「都幾辛苦，但想盡力做好啲，雖然過程甚辛勞，但首日已獲得不少客人賞識，滿足感好大，亦好開心原來咁多人支持手工美食。」
攤位內提供多款手工美食，推介必試手工曲奇餅（每包HK$70），包括花生、杏仁及朱古力口味，皆由人手製作，劉先生補充：「我哋冇添加化學物料，希望大家食得健康，所以保存期只有一星期，其實曲奇餅就係食新鮮，即買即食最好！」小記拿上手，發現每塊曲奇餅好「重身」，並非坊間加入大量發粉之類的貨色，而且不油膩，入口更有一種「家」的風味。Schnee的手工曲奇率先在今次美食博覽和大家見面，餐廳仍未開始發售！由於全人手及無添加製作，日後只會在店內限量供應或接受預訂，所以，如果大家到美食博覽的話，不妨率先試食，劉先生更歡迎大家即場提供意見。
攤位內有幾款即場製作的美食，皆以優惠價推廣，而且，凡惠顧小食可以HK$15優惠價購買生啤一杯。小食方面，特別推介紐倫堡腸，這是德國人餐桌上必備的招牌美食，Schnee亦特別從德國當地尋找最地道又有質素的紐倫堡腸直送到港，原來要挑選優質的紐倫堡腸，當中亦大有學問。
「食物首要講求用料的質素，好材料再加上處理恰當先做到令人滿意嘅味道，但傳統食製更有一套標準，就以紐倫堡腸為例，如果將肉打得太碎就會冇晒咬口，失去咗原本應有嘅風味；另一方面，肥瘦比例要恰當，唔可以令人食到成口油！所以，我哋試過好多間德國香腸供應商嘅出品，揀到覺得啱嘅仲要拎去進行化驗，希望大家食到正宗滋味之餘，亦食得安心。」劉先生補充，食德國香腸如果配合適當的醬汁，可令滋味更上一層，黃芥末或蜜糖芥末都是合適之選，並向大家推介一款咖哩味的茄醬，今次於展覽攤位亦有提供，但不設零售，要是大家試過之後覺得合口味的話，不妨留意一些大型超市吧！
劉先生坦言，現時在香港常見的德國菜式只屬少部份，並期望日後將更多德國美食引入香港，以饗食客。
攤位位置：香港灣仔會議展覽中心新翼3B-C08
Schnee German Restaurant詳情：
筲箕灣店：
地址：香港筲箕灣東大街28-40A東興大廈地下1號舖
電話：2795 1616
灣仔店：
地址：香港銅鑼灣駱克道447-449號中威商業大廈1樓
電話：3708 8206
查詢電郵：Schnee328@hotmail.com
網 址：https://www.facebook.com/schnee328
搜食狂人呼籲：上述內容由本站派員親身採訪，旨在記錄相關飲食資訊，本站無法保證文中提及的食物水準、環境、服務質素、優惠與價錢恆久不變，敬請留意。如對上述內容有任何疑問或意見，歡迎到《搜食狂人》的 Facebook粉絲專頁（網址：www.facebook.com/fooddiscuss.fans）留言。
撰文攝影：V仔@搜食採訪組
「Schnee German Restaurant」的掌廚人劉先生對德國菜、歐洲菜有極深厚研究與根底，堅持為饕客送上用心烹調的手工美饌。首次參與美食博覽，劉先生坦言為了籌備今次活動而「捱通頂」：「都幾辛苦，但想盡力做好啲，雖然過程甚辛勞，但首日已獲得不少客人賞識，滿足感好大，亦好開心原來咁多人支持手工美食。」
 |
| 「Schnee German Restaurant」的掌廚人劉先生事事親力親為，只為將手工美食進一步向大眾推廣。 |
攤位內提供多款手工美食，推介必試手工曲奇餅（每包HK$70），包括花生、杏仁及朱古力口味，皆由人手製作，劉先生補充：「我哋冇添加化學物料，希望大家食得健康，所以保存期只有一星期，其實曲奇餅就係食新鮮，即買即食最好！」小記拿上手，發現每塊曲奇餅好「重身」，並非坊間加入大量發粉之類的貨色，而且不油膩，入口更有一種「家」的風味。Schnee的手工曲奇率先在今次美食博覽和大家見面，餐廳仍未開始發售！由於全人手及無添加製作，日後只會在店內限量供應或接受預訂，所以，如果大家到美食博覽的話，不妨率先試食，劉先生更歡迎大家即場提供意見。
 |
| 劉先生笑言：「試過（手工曲奇）唔買唔緊要，最緊要嚟試！」更表示歡迎大家即場和他交流飲食心得，貫徹其以食會友的態度。 |
 |
| 手工曲奇每包HK$70，由於無添加化學物，建議盡快享用。 |
攤位內有幾款即場製作的美食，皆以優惠價推廣，而且，凡惠顧小食可以HK$15優惠價購買生啤一杯。小食方面，特別推介紐倫堡腸，這是德國人餐桌上必備的招牌美食，Schnee亦特別從德國當地尋找最地道又有質素的紐倫堡腸直送到港，原來要挑選優質的紐倫堡腸，當中亦大有學問。
 |
| 西班牙豬肉丸與德國紐倫堡腸皆由生產地直送到港，買回家簡單烹調即可享用，非常方便。 |
「食物首要講求用料的質素，好材料再加上處理恰當先做到令人滿意嘅味道，但傳統食製更有一套標準，就以紐倫堡腸為例，如果將肉打得太碎就會冇晒咬口，失去咗原本應有嘅風味；另一方面，肥瘦比例要恰當，唔可以令人食到成口油！所以，我哋試過好多間德國香腸供應商嘅出品，揀到覺得啱嘅仲要拎去進行化驗，希望大家食到正宗滋味之餘，亦食得安心。」劉先生補充，食德國香腸如果配合適當的醬汁，可令滋味更上一層，黃芥末或蜜糖芥末都是合適之選，並向大家推介一款咖哩味的茄醬，今次於展覽攤位亦有提供，但不設零售，要是大家試過之後覺得合口味的話，不妨留意一些大型超市吧！
 |
| 雖然攤位小小，但無論飲品食品皆有供應。 |
 |
| 即場烹調的西班牙豬肉腸，每份HK$28，更可以HK$15優惠價購買生啤一杯。 |
劉先生坦言，現時在香港常見的德國菜式只屬少部份，並期望日後將更多德國美食引入香港，以饗食客。
攤位位置：香港灣仔會議展覽中心新翼3B-C08
Schnee German Restaurant詳情：
筲箕灣店：
地址：香港筲箕灣東大街28-40A東興大廈地下1號舖
電話：2795 1616
灣仔店：
地址：香港銅鑼灣駱克道447-449號中威商業大廈1樓
電話：3708 8206
查詢電郵：Schnee328@hotmail.com
網 址：https://www.facebook.com/schnee328
搜食狂人呼籲：上述內容由本站派員親身採訪，旨在記錄相關飲食資訊，本站無法保證文中提及的食物水準、環境、服務質素、優惠與價錢恆久不變，敬請留意。如對上述內容有任何疑問或意見，歡迎到《搜食狂人》的 Facebook粉絲專頁（網址：www.facebook.com/fooddiscuss.fans）留言。